DREJTORIA E METROLOGJISË LIGJORE

1. MISIONI

Misioni i Drejtorisë së Metrologjisë Ligjore (DML) është garantimi i saktësisë dhe besueshmërisë së matjeve, duke siguruar mbrojtjen e konsumatorit nga matjet e pasakta nëpërmjet kontrollit metrologjik ligjor të instrumenteve matëse në:

• transaksione ekonomike;
• mbrojtjen e ambientit;
• mbrojtjen e shëndetit;
• sigurinë teknike.

2. ORGANIZIMI

Drejtoria e Metrologjisë Ligjore, në nivel kombëtar, është e organizuar në 4 Sektorë Shërbimi si vijon:

3. SHËRBIMET

Shërbimet metrologjike që ofron DML-ja:

• Njohje dhe miratim tipi të instrumenteve matëse ligjërisht të kontrolluara që importohen (përpara hedhjes ne treg dhe vënies në përdorim të tyre), që nuk janë objekt i markimit CE;
• Verifikim fillestar dhe periodik të instrumenteve matëse;
• Kontroll të subjekteve që prodhojnë, ambalazhojnë ose importojnë produkte të parapaketuara;
• Mbikëqyrja e subjekteve të autorizuara.

Miratimi i tipit të instrumenteve ligjërisht të kontrolluara:

Drejtori i Përgjithshëm i Drejtorisë së Përgjithshme të Metrologjisë miraton tipin e instrumentit matës në përputhje me rregulloren e ministrit, kur ai plotëson kërkesat teknike dhe metrologjike të përcaktuara në vendimin e Këshillit të Ministrave për kërkesat teknike dhe metrologjike për instrumentet matëse ligjërisht të kontrolluara.

Verifikimi fillestar i instrumenteve matëse ligjërisht të kontrolluara:

Instrumentet matëse të vendosura në treg, që kanë miratim tipi, i nënshtrohen verifikimit fillestar përpara se të përdoren. Gjatë verifikimit fillestar, kontrolli duhet të përcaktojë nëse:

1. a) instrumenti matës është i tipit të miratuar dhe në përputhje me të;
2. b) instrumenti i përket një kategorie të përjashtuar nga tipi i miratuar dhe në këtë rast, nëse përmbush kërkesat teknike dhe funksionale

Verifikimi pasardhës i instrumenteve matëse ligjërisht të kontrolluara:

Verifikimi periodik i instrumenteve matëse duhet të kryhet sipas intervaleve të verifikimit të përcaktuara për tipe të ndryshme të instrumenteve matëse. Intervalet e ri-verifikimit parashikohen sipas rregullores së Ministrit të Ekonomisë dhe Inovacionit.

Instrumentet matëse që i nënshtrohen kontrollit metrologjik ligjor:

Në bazë të Ligjit Nr. 126, datë 15.10.2020 “Për Metrologjinë”, instrumentet matëse ligjërisht të kontrolluara janë ata instrumente që përdoren për:

• Transaksionet zyrtare dhe ekonomike, mbrojtjen e shëndetit, mbrojtjen e ambientit, rendin publik dhe sigurinë teknike;
• Kontrollin e produkteve të para-paketuara dhe shisheve si enë matëse.

Kategoritë e instrumenteve matëse që i nënshtrohen kontrollit metrologjik ligjor:

• Peshore tregtare;
• Gramarë, klasa M1, M2, M3;
• Peshore automobilistike;
• Masa vëllimore;
• Kontalitra të shitjes me shumicë të karburanteve;
• Taksimetra;
• Matës shpejtësie;
• Manometra të paisjeve të fryrjes së gomave;
• Instrumente për matjen e produkteve të lëngëta dhe të ngurta.